صباحو تدوين!

شاب مصري — Tue, 15 Dec 2009 06:11:28 +0000

الذكريات دي ياجدعان إختراع والله ..
قاعد بذاكر فى امان الله إذا الاقي مدونة دماغ .. مدونتي القديمة ناطة فى شوي ..
وذكريات بقى ذكريااااااات ..
رحت فاتح المواضيع القديمة وقريتها ..
وكركرت اني احط التدوينة الأولانية ليا..
أول تدوينة كتبتها فى حياتي ..
يوم 9 يونية سنة 2006.
——————————-

اتحطت بكيبورد عامل دماغ فى بيرسونال شوية

السلام عليكم ورحمة الله وبركاته ..

الساعة دلوقتى سبعة و تمنتاشر دقيقة صباحاً بتوقيت القاهرة ..

بصراحة اول تدوينة ليا من زمان رغم انى اسمع عن التدوين من فترة بس بعيد عنكم الكسل دا وحش أوى أوى ..

وطبعاً اللى سخنى واثار كل مشاعر أول الكتاب العباقرة ( من ورا طبعاً ) فيا … صاحبى وصديق عمرى محمد حبيب …

وطبعاً المعلم لسه سايبنى من نص ساعه وخلع وسابنى معكوك فى المدعوكة دى اللى اسمها ورد بريس قعدت اخترع وابوظ واصلح واخترع وابوظ واصلح …

المهم يعنى .. ان شاء الله المدونة دى حتعامل فيها بكل دماغ عالية وكل حاجة …

ان شاء الله حتكلم فى السياسة والإقتصاد .. وكمان حتكلم فى التكنولوجيا والكورة وبرضه مايضرش من شوية اخبار عن العبد لله اللى هو انا و برضه مايمنعش انى ممكن اتكلم واقلب بشوية تفاهه يعنى ..

المهم انا بس اخلص امتحانات واظبط كل حاجة ..

مشاركاتى الأيام دى حتبقى قليلة بس ان شاء الله حاجة كدا ربنا يسهل ..

قدم المشيئة يا سباعى ..!

ربنا يسهل ..

اسيبكم دلوقتى واخش انام وبعدين اصحى افتكس ان شاء الله …

على فكرة النت قاطع عندى دلوقتى شبكات اخر زباله ويقولك احسن شبكات فى مصر ..

ياراجل روح اجرى ..!

المهم ححاول اكون متواجد على طول وربنا يسهل ..!

سبعة ستة وعشرين دقيقة ..

اول تدوينة فى دماغ لواحد عامل دماغ

ومع ذلك قد أظل أكتب !

شاب مصري — Mon, 24 Aug 2009 07:10:32 +0000

رغم أبتعادي عن الإنترنت ..
رغم توقف المدونة الذي وصل إلى اربعة أشهر ..
رغم كسلي عن انهاء تصميم المدونة ..

قد أظل هنا .. أكتب ..

لماذا افتتحت المدونة الآن فى ثوبها الأساسي بلا تعديلات ؟!
لانني اردت ان اشارككم رمضاني على المدونة ..
ولا أعلم إن كان هناك أحد يهتم بما اكتبه او لا ..
وأشك حتى ان هناك الكثير ممن يعلم بوجود المدونة اساساً ..

لكني اردت ان اكتب .. لأني فقدت الكثير عندما توقفت عن الكتابة ..

وها أنا ذا اعود ..
اهنئ نفسي بالعودة .. وارى ابتسامتي منعكسة على الشاشة امامي اثناء الكتابة ..

هناك الكثير لأحكيه .. وهناك الكثير لأشارككم اياه ..

اعمل حالياً على إنهاء التصميم الخاص بالمدونة ..
افكار جديدة فى الطريق اليكم ..
مواضيع جيدة ..
شيقة ..

كما قلت ..
رغم كل شئ .. قد اظل هنا .. أكتب

مدونة شاب مصري » تدوين

صباحو تدوين!

ومع ذلك قد أظل أكتب !