داخل المدونة مشحون اوي بإحساس قوي ..
اخيراً حكتب ..
أنا حاسس إحساس جامد اوي ..
الحب ممتع اوي ياجدعان .. 
طيب اشطة .. أكتب بقى!!
أكتب ايه ؟!
مش عارف!!
نعم ياخويا ؟! انت حتهرج ؟
والله بجد مش عارف اكتب ايه ..
اصل حقول بحبها ؟
طيب ماهو انا فعلاً بحبها .. ايه تاني غير بحبها ؟!
معرفش بقى انت اساسا شكلك مانمتش وحتفوق عليا.
بقولك ايه .. انا اه بكلم نفسي .. بس برضه احترم ذاتك معايا ..
انت شكلك اتهبلت ياد .. اعقل كدا وشوف حتكتب ايه ..
اكتب .. ااه ..
هو اللى جوايا دا يتكتب ازاي ؟
يعني لو فكرنا كدا نضرب اشعة تحاليل للمشاعر حتطلع الصورة عاملة ازاي ؟
مش عارف .. بس هو يعني شوية …
شوية ايييييه ؟! .. ماتتكلم ياعم انت ..
والله ما اعرف .. بس حياتي متلخبطة اوي .. حاسس ان فى شوية حاجات عجيبة اوي كدا ..
طيب ما تحكي الحكاية من الاول ..
لا واحكي ليه .. مانا كل يوم ليها معايا حكاية من الاول .. كل يوم بحس اني اول مرة بشوفها ..
دا ازاي ؟!
كل ما اقولها بحبك .. احس انها طالعة مني لأول مرة ..
صورتها اتحفرت على شبكية عنيا من كتر ما ببصلها ..
بقولك ايه مادام انت مش لاقي كلام تقوله داخل تكتب ليه؟!
وانت مالك يا رخم .. مدونتي واكتب فيها اللى انا عاوزه .. هو انت شريكي ؟!
طيب ناوي على ايه ؟
مالكش دعوة بقى انت فصلتني اصلاً .. يلا من هنا ..
طب سلام بقى ..
سلام ياخويا .. غور عيل فصيل اخر حاجة
الوسوم: ومافيش تاجات كمان
ايوة ماهو الحب كده
الواحد مابيعرفش يتكلم عليه
احساس الواحد مابيقدرش يوصفه
مبروك عليك و ربنا يديمها عليك نعمة
فكّر في هدية …
ممكن شوية ورد ، خليك جديد وجريء وعيش
والله زمان
أتمنالك التوفيق
وأصبح أنا على خير
يااااه .. دا ايه الاحساس العالى دا , يابخت صاحبة الحظ السعيد اللى بتحبها . مبروك عليك ياسيدى , طيب ماتحكيلنا عنها شويه .. لعلنا نستفيد (: (;
ربنا يسعدك ياااااااارب
وعقبال ما تكتب التدوينة الجاية عن فرح رضوان
المرأه : لاتستطيع ان تكمل حياتك دونها ….. ولا تستطيع ان تعيش معها
—-
الله يهديهم ولو مش هداهم يخدهم